财叔听到开始双眼开始眼湿湿“因为我太大意囉，以为结左婚，努力搵钱，佢就会一心一意跟我一世啦。”
“嗯。”我点了一下头。
财叔继续细说当年：“有一排我老婆着Ｄ好鬼性感既衫做野，开头我都无咩留意，以为佢想打扮得靓Ｄ俾我睇，直到有一晚…”
我听到依度，已经停哂手好紧张望住财叔：“果晚做乜事？”
财叔一路抹牛油落麵包一路眼湿湿讲“唉…！咪係见到Ｄ唔该见到既野！”
我好想问究竟发生过程，但点好意思问呢。《据说天才只需一秒就能记住,发布地址:kanqita.com》
我“咁之后点丫？”
财叔“果阵时我真係好戆居，我当睇唔到，因为我真係好爱佢，点知佢地愈黎愈离普，有次仲係我屋企张床搞，果次我终于忍唔住…哈哈，你话我係咪好戆居丫！太子仔！”
依一刹那大家停哂手，係度倾计，完全无视出面有几咁忙了。
我“下…唔係挂，咁你有无打佢地丫？”
财叔“无…！我淨係赶走左佢地！”
我“咁之后你老婆无返黎啦？”
财叔“无啦.......。”
我“财叔丫…咁佢去左边丫？”
财叔“嫁左俾果个男人囉。”
我“唔係挂！咁贱格既！”
财叔“唉…又唔怪得佢既，可能我份人真係比较闷，无情趣留唔住个女人，俾第二个男人沟紧，我又唔知。”
我“唉…！”
我留意到财叔眼内流出一滴眼泪，微微笑向住我“哈哈，咪仲好，跟住个有钱佬，唔忧柴唔忧米，跟着我咪有排捱。”
我“下…有钱佬黎架？”
财叔“宜家咪好捻有钱囉，几间上市公司，亿亿声，呵呵。”
我“譁…”
财叔突然双手搭住我膊头，眼神好坚定望住我“所以你一定要睇实你阿妈丫！
-->>(第2/3页)（本章未完，请点击下一页继续阅读）